უჰანში ახალშობილს კორონავირუსი აღმოაჩნდა, ჩვილის მდგომარეობა სტაბილურია

კორონავირუსი შესაძლოა დედისგან გადაეცა ახალშობილს. ასეთია ჩინელი ექიმების ვარაუდი ქალაქ  უჰანიდან, სადაც ჩვილი დაიბადა. 

ინფორმაციას BBC ავრცელებს.

ექიმებმა განცხადება სახელმწიფო ტელეარხ CCT-ზე 5 თებერვალს გააკეთეს. ჩვილი  2 თებერვალს ვირუსის გავრცელების ეპიცენტრში, ქალაქ უჰანში დაიბადა.

ადგილობრივი ჯანდაცვის ორგანიზაციის ოფიციალური განცხადების მიხედვით, ბავშვის დედა კორონავირუსით იყო დაავადებული, ახალშობილს კი ვირუსი დაბადებიდან 30 საათის შემდეგ აღმოაჩნდა.

როგორც მედიცინის ექსპერტები ამბობენ, არსებობს ორი ვარაუდი, რომ ვირუსი დედის მუცლიდანვე  გადაეცა ჩვილს ისევე, როგორც შესაძლოა დაბადების შემდეგ, ჰაერწვეთოვანი გზით დაინფიცირდა ახალშობილი მშობლისგან.

ჩვილი 3,25 კილოგრამს იწონის, მისი მდგომარეობა ამჯერად სტაბილურია და ექიმების დაკვირვების ქვეშ იმყოფება.