ბათუმში, აეროპორტის გზატკეცილზე, ანგისის დასახლებაში, დღეს, 3 თებერვალს, ავარია მოხდა. ავტოავარიის შედეგად დაშავებულია 5 ადამიანი. „ბათუმელების“ ინფორმაციით, 4 მათგანი საქართველოს მოქალაქეა, ერთი კი – თურქეთის.
დაშავებულები სამედიცინო დახმარების სამსახურმა ბათუმის სამედიცინო ცენტრში გადაიყვანა. როგორც „ბათუმელებს“ კლინიკაში უთხრეს, მათი მდგომარეობა ამჟამად სტაბილურია, ერთს აღენიშნება მრავლობითი მოტეხილობა, მიმდინარეობს პაციენტებზე დაკვირვება.