გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, დღეს, 30 იანვარს, ბათუმში ღრუბლიანი ამინდი იქნება, უმეტესად – უნალექოდ. უნალექო ამინდი შენარჩუნდება ღამითაც, ხვალ, 31 იანვარს კი დღისით დროგამოშვებით იწვიმებს.
მთიან აჭარაში თოვაა მოსალოდნელი, ზოგან – ძლიერი.
იქროლებს დასავლეთის მიმართულების ქარი 10-15 მეტრი წამში, დღისით ზოგან – 17-22 მეტრი წამში.
ამინდის ტემპერატურა სანაპირო რაიონებში იქნება:
- დღისით:6-11 გრადუსი
- ღამით: 1-6 გრადუსი
მთაში მოსალოდნელია:
- დღისით: 0-5 გრადუსი სითბო
- ღამით: 0-3 გრადუსი ყინვა
სინოპტიკოსების ცნობით, პირველ თებერვალს მოსალოდნელია სანაპირო რაიონებში ნალექი, თოვლ-ჭყაპის სახით, მთაში თოვა, მომდევნო 2 დღეს კი, 2-3 თებერვალს, უმეტესად უნალექო ამინდი იქნება.
______________
ფოტო: „ბათუმელები“, მანანა ქველიაშვილი