საახალწლო ღონისძიებები ბულვარში დღეს საღამოს კონცერტით დასრულდება

საახალწლო ღონისძიებები ბათუმის ბულვარში, რომელიც 2019 წლის 26 დეკემბერს დაიწყო, დღეს, 7 იანვარს დასრულდება.

დღეს, საღამოს 20:00 საათზე, ღონისძიება სტეფანეს კონცერტით დაიწყება, 21:00 საათიდან კი Spacecraft-ი გააგრძელებს.

ბათუმის კულტურის ცენტრის ინფორმაციით, 8 იანვარს დაიწყება საკონცერტო მთავარი სცენის დემონტაჟი. ხვალვე აიღებენ ბულვარში განთავსებულ ჯიხურებს, სადაც საახალწლო ბაზრობა იმართებოდა.

რაც შეეხება მთავარ საახალწლო ნაძვის ხეს, ის ბულვარში 20 იანვრამდე დარჩება.