როგორი ამინდი იქნება ახალი წლის ღამეს ბათუმსა და აჭარის მთიანეთში – პროგნოზი

აჭარის რეგიონალური ჰიდრომეტეოროლოგიური ობსერვატორიის ინფორმაციით, 29 დეკემბრის 21 საათიდან 30 დეკემბრის 21 საათამდე აჭარაში მოსალოდნელია: ცვალებადი მოღრუბლულობა; უმეტესად უნალექოდ; დასავლეთის მიმართულების ქარი 10-15 მ/წმ-ში.

ჰაერის ტემპერატურა:

• სანაპირო რაიონებში – ღამით 3-8 გრადუსი, დღისით 10-15 გრადუსი სითბო;
• შიდამთიან რაიონებში – ღამით 0-5 გრადუსი, დღისით 5-10 გრადუსი სითბო;
• მაღალ მთაში – ღამით 0-5 გრადუსი ყინვა, დღისით 2 გრადუსი ყინვა, 3 გრადუსი სითბო.

ზღვის პროგნოზი:

• სამხრეთ-დასავლეთის ქარი 6-11მ/წმ-ში. უმეტესად უნალექოდ, ხილვადობა კარგი. ტალღის სიმაღლე 7-12 დმ (2-3ბალი).
• ზღვის წყლის ტემპერატურა +11.5 გრადუსი.

31 დეკემბერს და 1-ელ იანვარს, გარემოს დაცვისა და სოფლის მეურნეობის სამინისტროს ჰიდრომეტეოროლოგიის დეპარტამენტის აჭარის რეგიონალური ჰიდრომეტეოროლოგიური ობსერვატორიის პროგნოზით, ბათუმსა და შიდამთიან რაიონებში საღამოს და ღამის საათებში ზოგან წვიმა, მაღალ მთაში კი თოვაა მოსალოდნელი.