Batumelebi | 74 700 ლარი ბიუჯეტიდან – საგრანტო კონკურსი ხელოვანებისთვის 74 700 ლარი ბიუჯეტიდან – საგრანტო კონკურსი ხელოვანებისთვის – Batumelebi

74 700 ლარი ბიუჯეტიდან – საგრანტო კონკურსი ხელოვანებისთვის

აჭარის განათლების, კულტურისა და სპორტის სამინისტრო აცხადებს საგრანტო კონკურსს სახელოვნებო სფეროში მოქმედი იურიდიული და ფიზიკური პირებისთვის.

2020 წელს საგრანტო კონკურსის სრული ბიუჯეტი 74 700 ლარია. სამინისტროს ინფორმაციით, კონკურსი ორ ეტაპად ცხადდება. პირველი ეტაპის ბიუჯეტი 34 000 ლარია, ხოლო მეორე ეტაპის – 40 700 ლარი.

სამინისტროს ინფორმაციით, კონკურსის ფარგლებში შესაძლებელია დაფინანსდეს ღონისძიებაზე რეგისტრაციის, მონაწილეობის, ტრანსპორტირების, განთავსებისა და კვების ხარჯი.

კონკურსში მონაწილეობა შეუძლიათ აჭარაში რეგისტრირებულ ფიზიკურ და ფიზიკურ პირთა ჯგუფებს, ასევე იურიდიულ პირებს, რომლებიც რეგისტრირებულნი არიან ასევე აჭარაში. კონკურსში მონაწილეობა არ შეუძლიათ აჭარის ბიუჯეტის დაფინანსებაზე ან მუნიციპალურ დაფინანსებაზე მყოფ ორგანიზაციებსა და ქორეოგრაფიულ ანსამბლებს.

პროექტი უნდა იყოს:

ა) სახელოვნებო ხასიათის: მუსიკალური, თეატრალური, სალიტერატურო, საგამოფენო

ბ) საგანმანათლებლო ხასიათის: ტრენინგი/ვორქშოპი კულტურის მენეჯმენტის მიმართულებით

განაცხადების მიღება  დაწყებულია და გაგრძელდება 13 დეკემბრის 15 საათამდე, ხოლო მეორე ეტაპი დაიწყება 10 აპრილს და გაგრძელდება 11 მაისის 15 საათამდე.

კონკურსის შესახებ დეტალები იხილეთ განათლების სამინისტროს ვებგვერდზე.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com