აჭარის უმაღლესი საბჭოს დეპუტატი ელგუჯა ბაგრატიონი, ისევე როგორც აქციაზე სხვა დაკავებულები მოსამართლემ სამართალდამრღვევად სცნო.
ელგუჯა ბაგრატიონს მოსამართლე ვალერიან ფილიშვილმა 12 დღით პატიმრობა მიუსაჯა.
ელგუჯა ბაგრატიონი საქართველოს პარლამენტის წინ საპროტესტო აქციაზე 18 ნოემბერს დააკავეს.
აქციაზე პროპორციულ სისტემაზე გადასვლის შესახებ კანონპროექტის ჩავარდნას აპროტესტებდნენ. აქცია სპეცრაზზმა დაშალა. აქციის რამდენიმე მონაწილე კი დააკავეს.
