რუმინეთის ქალაქ კონსტანცაში მიმდინარე მკლავჭიდის მსოფლიო ჩემპიონატზე 18 წლის მარიამ ნოდია და 19 წლის დიტო ბუკია მსოფლიო ჩემპიონები გახდნენ. ნოდიამ ქალთა შორის 21 წლამდე 55 კგ. წონით კატეგორიაში მოიპოვა ჩემპიონის ტიტული. მან მარჯვენა მკლავში პირველი და მარცხენა მკლავში მეორე ადგილი დაიკავა.
მარიამი ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტია.
დიტო ბუკია 19 წლისაა და მსოფლიო ჩემპიონის ტიტული მკლავჭიდში უკვე მეორედ მოიპოვა. რუმინეთის მსოფლიო ჩემპიონატზე მან 60 კგ. წონით კატეგორიაში იასპარეზა 21 წლამდელებს შორის.
ჩემპიონატი რუმინეთის ქალაქ კონსტანცაში ახლაც მიმდინარეობს და 3 ნოემბრამდე გრძელდება.
აღსანიშნავია, რომ მარიამ ნოდიამ აჭარიდან 2017 წელს თბილისში გამართულ მკლავჭიდის ჩემპიონატში 400 სხვა სპორტსმენთან ერთად მიიღო მონაწილეობა და საქართველოს ჩემპიონიც გახდა 14 წლის ასაკში – 70 კგ წონით კატეგორიაში.
