ეიფელის სტიპენდია 2020 – მაგისტრებისა და დოქტორანტებისთვის


საქართველოს ფრანგული ინსტიტუტი აცხადებს კონკურსს ეიფელის სტიპენდიაზე 2020 წლისთვის, მაგისტრატურისა და დოქტორანტურის საფეხურზე. განაცხადების მიღება მიმდინარეობს 2019 წლის 21 ოქტომბრიდან 2020 წლის 9 იანვრის ჩათვლით.

უნივერსიტეტის ვებგვერდზე განთავსებული ინფორმაციის მიხედვით, მითითებული თარიღი ეხება უნივერსიტეტებს, დაინტერესებული კანდიდატები კი არაუგვიანეს ნოემბერში უნდა დაუკავშირდნენ სასურველ უმაღლეს დაწესებულებას.

ინსტიტუტის ინფორმაციით, ეიფელის ბრწყინვალების სტიპენდია მოიცავს სამაგისტრო (12-დან 36 თვემდე) და სადოქტრო სტიპენდიებს (მობილობა 12 თვის მანძილზე) შემდეგი მიმართულებით:

  • სამართალი
  • ეკონომიკა და მართვა
  • პოლიტიკური მეცნიერებები
  • საინჟინრო მეცნიერებები მაგისტრატურის საფეხურისათვის

დოქტორანტებისათვის:

საინჟინრო მეცნიერებები, ზუსტი მეცნიერებები, მათემატიკა, ფიზიკა, ნანო და ბიოტექნოლოგიები, დედამიწისა და გარემოს შემსწავლელი მეცნიერებები, ქიმია და სიცოცხლის შემსწავლელი მეცნიერებები, ინფორმაციისა და კომუნიკაციის მეცნიერებები და ტექნოლოგიები.

პროგრამის ფარგლებში სწავლა შესაძლებელია როგორც ფრანგულ, ისე ინგლისურ ენაზე.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com