ქობულეთის მუნიციპალიტეტში, სოფელ შუაღელეში, 57 წლის კაცი ბაზის დაკბენის შედეგად გარდაიცვალა. შემთხვევა 11 ოქტომბერს მოხდა.
როგორც „ბათუმელებს“ ციხისძირის ადმინისტრაციულ ერთეულში მერის წარმომადგენელმა, ემზარ კვესიეიშვილმა უთხრა, მამაკაცი სასწრაფო დახმარების ჯგუფს გადაჰყავდა, როცა იგი გარდაიცვალა.
აჭარის საზოგადოებრივი ჯანდაცვის ცენტრში არ აწარმოებენ სტატისტიკას, თუ რამდენი ადამიანი დაკბინეს წლის განმავლობაში მწერებმა, თუმცა, აჭარის საზოგადოებრივი მაუწყებლის ცნობით, წელს ბაზის მიერ ადამიანების დაკბენის რამდენიმე შემთხვევა იყო.
განახლებული ინფორმაცია: აჭარის საზოგადოებრივი ჯანდაცვის ცენტრის ხელმძღვანელის, რუსუდან შავიშვილის განცხადებით, ქობულეთში, სოფელ შუაღელეში კაცის გარდაცვალების მიზეზი შესაძლოა არა კრაზანის ნაკბენი, არამედ ინფარქტი გახდა.
ამ თემაზე:
„გარდაცვლილს კრაზანის დაკბენის კვალი არ აღენიშნებოდა“ – აჭარის საზოგადოებრივი ჯანდაცვა
__________
ფოტო: pexels
