შინაგან საქმეთა სამინისტროს ცნობით, ბათუმში, ქურდობისა და ქურდობის მცდელობის ბრალდებით, 2 პირი – 1985 წელს დაბადებული ზ.გ. და 1985 წელს დაბადებული, სომხეთის რესპუბლიკის მოქალაქე რ.ბ. დააკავეს.
შს სამინისტროს ინფორმაციით, გამოძიებით დადგინდა, რომ ზ.გ.-მ ბათუმში მოქალაქის კუთვნილი ავტომობილიდან სხვადასხვა სახის ტექნიკა მოიპარა და შემთხვევის ადგილიდან მიიმალა. სამართალდამცველებმა იგი მოსამართლის განჩინების საფუძველზე დააკავეს.
რაც შეეხება რ.ბ.-ს, სამართალდამცველებმა ის იმ დროს დააკავეს, როდესაც ბათუმში, ხიმშიაშვილის ქუჩაზე გაჩერებული ავტომობილიდან ხელჩანთის მოპარვას ცდილობდა. შსს-ს ცნობით, საგამოძიებო მოქმედებების დროს, დაკავებულმა მის მიერ ჩადენილი ავტომობილის გაქურდვის რამდენიმე ფაქტიც აღიარა.
გამოძიება ქურდობისა და ქურდობის მცდელობის ფაქტებზე, საქართველოს სსკ-ს 19-177-ე მუხლის მე-2 ნაწილის „ა“ ქვეპუნქტით და 177-ე მუხლის მე-4 ნაწილის „ბ“ ქვეპუნქტით მიმდინარეობს.
დანაშაული 3-დან 10 წლამდე ვადით თავისუფლების აღკვეთას ითვალისწინებს.
_______________
ფოტო: კადრი შს სამინისტროს მიერ გავრცელებული ვიდეომასალიდან.