საგანგებო სიტუაციების მართვის სააგენტოს ინფორმაციით, ამ წუთებში [12:50 საათი] ხელვაჩაურის მუნიციპალიტეტში ეძებენ მამაკაცს, რომელიც წინასწარი ინფორმაციით, მეწყრის განვითარების დროს გაუჩინარდა.
მეწყერი დღეს, დილით, ჩამოწვა ხელვაჩაურის მუნიციპალიტეტის სოფელ ახალშენში, სწორედ იმ ადგილას, სადაც კარიერის მოპოვება მიმდინარეობს. მაშველების ინფორმაციით, გაუჩინარებული ადამიანი ამ ტეროტორიაზე დარაჯად მუშაობდა.
მაშველები დაკარგულ მამაკაცს დილის რვა საათიდან ეძებენ.
