სიახლეები

პრემიერ-მინისტრი უმაღლესი საბჭოს დეპუტატებსა და არჩილ ხაბაძეს შეხვდა

11.10.2015 • 1633
პრემიერ-მინისტრი უმაღლესი საბჭოს დეპუტატებსა და არჩილ ხაბაძეს შეხვდა

 

ღარიბაშვილმა  ადგილობრივი ხელისუფლების წარმომადგენლებს ძლიერი წვიმის გამო შექმნილი პრობლემების დროული აღმოფხვრის მიზნით დავალებები მისცა, თუმცა კონკრეტულად რა დავალებებზეა საუბარი, ამის შესახებ მთავრობის მიერ გავრცელებულ ინფორმაციაში არაფერი წერია.

 

აჭარის მთავრობის ხელმძღვანელმა პრემიერს განხორციელებული სამუშაოს შესახებ ინფორმაცია მიაწოდა და აღნიშნა, რომ ადგილობრივი ხელისუფლება დაზარალებული მოსახლეობის დახმარების საკითხზე ზარალის დათვლის დასრულებისთანავე იმსჯელებს.

ირაკლი ღარიბაშვილმა შეხვედრისას აღნიშნა, რომ აჭარის რეგიონს ხშირად სტუმრობს და დეტალურად არის ინფორმირებული ყველა იმ საკითხის შესახებ, რომელთა მოგვარება მოსახლეობისთვის პრიორიტეტულია, ასევე – იცნობს მიმდინარე პროექტებს, რომლებიც ავტონომიური რეგიონის ეკონომიკური კეთილდღეობის მიმართულებით ხორციელდება.
სამუშაო შეხვედრაზე პრემიერმა ასევე მოისმინა ანგარიში რეგიონში დაგეგმილი პროექტების შესახებ.

შეხვედრა მედიისთვის დახურული იყო.


გადაბეჭდვის წესი


ასევე: