„შავი ზღვის ღვინის ფესტივალი“ და ღვინის უფასო დეგუსტაცია ბათუმის ბულვარში

16 , 17 და 18 აგვისტოს ბათუმის ძველ ბულვარში „შავი ზღვის ღვინის საერთაშორისო ფესტივალი“ გაიმართება.

ქართულ ღვინოს სამი დღის განმავლობაში ასამდე ღვინის მარანი წარმოადგენს. ღვინისა და ჭაჭის დეგუსტაცია ფესტივალის სტუმრებისთვის უფასო იქნება, გაიყიდება სხვადასხვა ჯიშის ყურძნისგან დამზადებული ღვინო საქართველოს სხვადასხვა კუთხიდან.

დაგეგმილია ასევე:

• ეთნოკულინარიული გამოფენა – ქართული ყველის, ჩირისა და ჩურჩხელის ნაირსახეობებით
• ტრადიციული კერძების მასტერკლასი
• ქართული რეწვის პროდუქტების ორმოცი მწარმოებლის გამოფენა (თექა, მინანქარი, თიხა და ა.შ.)
• ოცდაათი თანამედროვე ქართველი მხატვრის გამოფენა – გაყიდვა და ტრადიციული სამოსელის გამოფენა

ფესტივალის ორგანიზატორია „ქართული ღვინის ფონდი“.

__________

მთავარი ფოტო: მანანა ქველიაშვილი/„ბათუმელები“