26-28 ივლისს ბათუმში მუსიკალური ფესტივალის Black Sea Sound-ის ფარგლებში ქუჩის კონცერტები გაიმართება. მსმენელს სხვადასხვა მუსიკალური ჯგუფების თუ სოლოშემსრულებლების მოსმენა ქუჩაში, უფასოდ შეეძლება.
მუსიკოსებს, რომელთაც სურთ ფესტივალში მონაწილეობის მიღება, შეუძლიათ ეს სარეგისტრაციო ფორმა შეავსონ. ფესტივალი აანაზღაურებს მუსიკოსების მგზავრობის ხარჯებს და უზრუნველყოფს საჭირო ტექნიკით.
მუსიკალური ფესტივალი Black Sea Sound-ი 2014 წელს, ბათუმში დაარსდა. მისი მიზანი ქართველი ხელოვანების, განსაკუთრებით კი საავტორო, ექსპერიმენტული მუსიკის წარმომადგენლების მხარდაჭერა და საზოგადოებისთვის მათი შემოქმედების გაცნობაა.
ყოველწლიური მუსიკალური ფესტივალი ექვსი წელია აჭარის განათლების, კულტურისა და სპორტის სამინისტროს მხარდაჭერით ტარდება.
