მოსამართლე ლევან გელოვანმა “იაფი სახლის” საქმეზე დაკავებულ შვიდივე მაღალჩინოსანს წინასწარი პატიმრობა შეუფარდა. დარბაზში მოსამართლის დასაბუთება პროტესტის ნიშნად აღარ მოუსმენიათ.
სასამართლო პროცესი რამდენიმე წუთის წინ დასრულდა.
მოსამართლის გადაწყვეტილების მიღებამდე, პროკურორმა რამაზ შავაძემ წინასასამართლო სხდომის გამართვა ზუსტად ორი თვის შემდეგ მოითხოვა. ეს კანონით განსაზღვრული მაქსიმალური ვადაა აღკვეთის შეფარდების შემდეგ.
“წესით ჩვენ უნდა ვითხოვდეთ მაქსიმალურ ვადას… პროკურატურას სჭირდება ორი თვე იმისთვის, რომ აწამოს ადამიანები,”- თქვა ადვოკატმა რამინ პაპიძემ.
მოსამართლის გადაწყვეტილებას ადვოკატები გაასაჩივრებენ.
