გუშინ, 27 მარტს, ქობულეთში პოლიციის ორ თანამშრომელს სცემეს. გავრცელებული ინფორმაციით, მათ ფიზიკური შეურაცხყოფა ახალგაზრდების გაშველებისას მიაყენეს. პოლიციელების ჯანმრთელობას საფრთხე არ ემუქრება, შს სამინისტროს ცნობით, ისინი საავადმყოფოში არ იმყოფებიან.
შსს-ს პრესსამსახურში გვითხრეს, რომ აღნიშნულ ფაქტთან დაკავშირებით დაკავებულია ერთი პირი სისხლის სამართლის კოდექსის 353-ე პრიმა მუხლით [პოლიციელზე თავდასხმა], მეორეს დასაკავებლად კი სამძებრო სამუშაოები გრძელდება.
შს სამინისტროში უარყოფენ გავრცელებულ ინფორმაციას იმის შესახებ, რომ ამ ორ პოლიციელს შორის ერთ-ერთი დაზარალებული ქალაქ ქობულეთის პოლიციის განყოფილების უფროსია.