დღეს, 26 თებერვალს, დაახლოებით 20:30 საათზე, ჩაქვში, გვირაბთან ორი ავტომანქანა შეეჯახა ერთმანეთს. სატვირთო „ტრაილერისა“ და მსუბუქი ავტომანქანის შეჯახების შედეგად განსაკუთრებით ეს უკანასკნელი დაზიანდა.
სასწრაფო სამედიცინო ჯგუფს ორი დაშავებული – ქალი და კაცი, უკვე გადაჰყავს საავადმყოფოში.
სასწრაფო სამედიცინო სამსახურის ინფორმაციით, დაზარალებულებს აქვთ სხვადასხვა სახის მოტეხილობა და დაჟეჟილობა, მაგრამ ორივე მათგანი კონტაქტურია.
ადგილზე მუშაობს საპატრულო პოლიცია.
