Batumelebi | საგამოძიებო: დაკავებულები ინტერნეტმაღაზიით ნაყიდ ძვირადღირებულ საათებს უკანონოდ ყიდდნენ საგამოძიებო: დაკავებულები ინტერნეტმაღაზიით ნაყიდ ძვირადღირებულ საათებს უკანონოდ ყიდდნენ – Batumelebi
RU | GE  

საგამოძიებო: დაკავებულები ინტერნეტმაღაზიით ნაყიდ ძვირადღირებულ საათებს უკანონოდ ყიდდნენ

საქართველოს ფინანსთა სამინისტროს საგამოძიებო სამსახურის თანამშრომლებმა, უკანონო სამეწარმეო საქმიანობის ჯგუფურად განხორციელების ფაქტზე ორი პირი პასუხისგებაში მისცეს.

სამინისტროს ინფორმაციით, „გამოძიებით დადგინდა, რომ ბრალდებულები, სამეწარმეო საქმიანობისათვის დადგენილი შესაბამისი გადასახადებისთვის თავის არიდების განზრახვით და უკანონო მატერიალური გამორჩენის მიღების მიზნით, სახელმწიფო რეგისტრაციის გარეშე ახორციელებდნენ კომერციულ საქმიანობას. კერძოდ, უცხოური ინტერნეტმაღაზიის მეშვეობით სისტემატურად ახდენდნენ ძვირადღირებული საათების შეძენას და შემდგომ, საქართველოში რეალიზაციას. გამოძიებით დადგინდა, რომ დანაშაულში მხილებულმა პირებმა, უკანონო სამეწარმეო საქმიანობის განხორცილების შედეგად, საერთო ჯამში მიიღეს დიდი ოდენობით – 1 500 000 ლარზე მეტი შემოსავალი“.

როგორც ამანათების შეფუთვიდან ჩანს, ბრალდებულები საათებს ძირითადად ამერიკიდან იწერდნენ.

გამოძიება საქართველოს სისხლის სამართლის კოდექსის 192-ე და 218-ე მუხლების მე-2 ნაწილებით მიმდინარეობს, რაც სასჯელის სახით ითვალისწინებს თავისუფლების აღკვეთას 5-დან 8-წლამდე ვადით. #საგამოძიებოსამსახური2019 #კანონდარღვევა

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან