Batumelebi | „ბათუმის წყალი“: ინფორმაცია ბათუმში სასმელი წყლის დაბინძურებაზე არ არის სიმართლე „ბათუმის წყალი“: ინფორმაცია ბათუმში სასმელი წყლის დაბინძურებაზე არ არის სიმართლე – Batumelebi
RU | GE  

„ბათუმის წყალი“: ინფორმაცია ბათუმში სასმელი წყლის დაბინძურებაზე არ არის სიმართლე

„ბათუმის წყალი“ საგანგებო განცხადებას ავრცელებს მოსახლეობაში გავრცელებულ ინფორმაციასთან დაკავშირებით. აღნიშნული ინფორმაცია ბოლო დღეა ვრცელდება ფეისბუქზე.

„ვრცელდება არასწორი ინფორმაცია ბათუმში სასმელი წყლის ხარისხის დაბინძურებასთან დაკავშირებით. აღნიშნული ინფორმაცია არ შესააბამება სიმართლეს.

შპს „ბათუმის წყლის“ ქიმიურ-ბაქტერიოლოგიური ლაბორატორიის მიერ, 24-საათიან რეჟიმში, ყოველდღიურად ხდება სასმელი წყლის ხარისხის გადამოწმება დადგენილი ტექნიკური რეგლამენტის თანახმად.  წყლის ხარისხი შეესაბამება ნორმატივებს და არ ფიქსირდება რაიმე სახის ცდომილება.

შპს „ბათუმის წყლის“ ლაბორატორია ერთ-ერთი საუკეთესოა საქართველოში და ISO 17025-ის მფლობელია. ISO სტანდარტების და აკრედიტაციის ეროვნული ცენტრის მოთხოვნების შესაბამისად ყოველწლიურად მიმდინარეობს მონიტორინგი.

დამატებით, შპს „ბათუმის წყლის“ აბონენტებს ვაცნობებთ, რომ სახლში წყლის ხარისხი შემოწმების სურვილის შემთხვევაში შეგიძლიათ დაგვიკავშირდეთ ქოლცენტრის ნომრებზე (0422) 24 22 22, ან 1152 ლაბორატორიის წარმომადგენლების მიერ მოხდება წყლის ხარისხის შემოწმება დადგენილი სტანდარტების მეშვეობით, რის შემდეგაც მოგაწვდით დეტალურ ინფორმაციას.“ – ვკითხულობთ განცხადებაში.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.