ჩაბნელებული ქუჩები ბათუმში

ბათუმში, ლადო ასათიანის ქუჩაზე მცხოვრები მოქალაქე აცხადებს, რომ თითქმის ერთი თვე მათ ქუჩაზე და ასევე, ლადო ასათიანის ჩიხში გარე განათება გამორთულია.

მოქალაქის თქმით, ქუჩის მცხოვრებლებმა რამდენჯერმე დარეკეს ბათუმის მერიაში, მაგრამ მდგომარეობა ამ დრომდე არ შეცვლილა – ქუჩები [ასათიანის ქუჩის ნაწილი, ლადო ასათიანის ჩიხი, მელიქიშვილის ქუჩის ნაწილი და ასევე ბაგრატიონის ქუჩის ნაწილი] დღემდე ჩაბნელებულია.

„ბათუმის მერიაში გვითხრეს, რომ რიგია და როცა მოვა ჩვენი რიგი, აუცილებლად შეაკეთებენ გარე განათებას, მაგრამ უკვე ერთი თვეა ამ მდგომარეობაში ვართ და არ ვიცით, კიდევ რამდენ ხანს გაგრძელდება ასე“, – ამბობს მოქალაქე.

მთავარი ფოტო: ჩაბნელებული ლადო ასათიანის ქუჩა

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.