ბათუმელი მეთორმეტეკლასელები ევროპის მოედანზე დღესაც შეიკრიბნენ. მოთხოვნა უცვლელია – საატესტატო გამოცდების გაუქმება.
„ჩვენ აქ გამოვალთ, ვიდრე განათლების სამინისტრო გადაწყვეტილებას არ მიიღებს. ჩვენ ვაპროტესტებთ არათანაბარ და უსამართლო გარემოს,“ – ამბობს ზუკა ნემსაძე, მეორე საჯარო სკოლის მოსწავლე.
მეთორმეტეკლასელებმა შეძახილებით მემედ აბაშიძის გამზირი ჩაიარეს. მოსწავლეების თქმით, ისინი ამ დღეებში რეპეტიტორებთან აღარ დადიან.
მეთორმეტეკლასელებმა მასშტაბური აქცია შაბათს, 2 თებერვალს, დააანონსეს. ისინი ისევ ევროპის მოედანზე შეიკრიბებიან.
