საბაჟო გამშვებ პუნქტებში – „ბათუმის აეროპორტი“ და „თბილისის აეროპორტი“ – ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, ერაყისა და ბანგლადეშის მოქალაქეების კუთვნილი ხელბარგების დათვალიერებისას, ფსიქოტროპული ნივთიერების შემცველი მედიკამენტები აღმოაჩინეს.
შემოსავლების სამსახურის ინფორმაციით, აღნიშნულ აეროპორტებში, მიმდინარე წლის 15-17 იანვარს, სულ 37 აბი და 100 კაფსულა ამოიღეს.
საქმეთა მასალები, შემდგომი რეაგირების მიზნით, შინაგან საქმეთა სამინისტროს გადაეცა.