მთავარი,სიახლეები

პუტინის ყოფილი ვიცე-პრემიერი ბათუმში „ფიდეს“ ახალ პრეზიდენტად აირჩიეს

03.10.2018 • 3177
პუტინის ყოფილი ვიცე-პრემიერი ბათუმში „ფიდეს“ ახალ პრეზიდენტად აირჩიეს

დღეს, 3 ოქტომბერს, ბათუმში გამართულ ჭადრაკის საერთაშორისო ფედერაციის 89-ე კონგრესზე ცნობილი გახდა „ფიდეს“ ახალი პრეზიდენტის ვინაობა. მომდევნო ოთხი წლის განმავლობაში მსოფლიო საჭადრაკო ფედერაციას არკადი დვორკოვიჩი [რუსეთი] უხელმძღვანელებს.

„ფიდეს“ ხელმძღვანელი კენჭისყრის შედეგად აირჩიეს – 185  ხმიდან 103 ხმით.

„ფიდეს“ პრეზიდენტობის პოსტისთვის კიდევ  ორი კანდიდატი იბრძოდა: გეორგიოს მაკროპულოსი და ნაიჯელ შორტი, თუმცა ამ უკანასკნელმა კენჭისყრის წინ საკუთარი კანდიდატურა მოხსნა.

მაკროპულოსმა არჩევნებამდე საქართველოს საზოგადოებრივ მაუწყებელთან განაცხადა, რომ ეს ბრძოლა პოლიტიკური იყო და ერთ-ერთი კანდიდატის მხარდასაჭერად სხვადასხვა ქვეყნის ფედერაციას ხმის მიცემას აიძულებდნენ.

არკადი დვარკოვიჩი 2018 წლის გაზაფხულამდე რუსეთის ვიცე-პრემიერი იყო, 2008 წლის აგვისტოს ომის დროს კი – რუსეთის ყოფილი პრეზიდენტის, დიმიტრი მედვედევის თანაშემწე. 2007 წელს იყო რუსეთის საჭადრაკო ფედერაციის პირველი ვიცე-პრეზიდენტი, ხოლო 2010-2014 წლებში რუსეთის საჭადრაკო ფედერაციის სამეთვალყურეო საბჭოს თავმჯდომარე. მან „ფიდეს“ პრეზიდენტობის არჩევნებში მონაწილეობის შესახებ წელს, ივნისში განაცხადა.

გადაბეჭდვის წესი


ასევე: