დღეს, პირველ სექტემბერს, სარფის საბაჟო-გამშვებ პუნქტზე თურქმა მესაზღვრეებმა ორი პირი დააკავეს. თურქული მხარის ცნობით, საქართველოს მოქალაქე 24 წლის გ.ფ. ცდილობდა საზღვარზე ჩემოდანში დამალული ქალი – ფ.თ. (27) გადაეყვანა. როგორც თურქული მედია წერს, უზბეკეთის მოქალაქე ფ.თ. დეპორტირებული იყო და თურქეთში შესვლა 5 წლით ჰქონდა აკრძალული.
ჩემოდნიანმა კაცმა საბაჟო გამსვლელი პუნქტის ქართული მონაკვეთი შეფერხების გარეშე გაიარა.
თურქული მედიის ინფორმაციით, ფაქტზე დაწყებულია გამოძიება.
