აფხაზეთის ავტონომიური რესპუბლიკის მთავრობის ეგიდით, აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრო გეგმავს აფხაზეთიდან იძულებით გადაადგილებულ პირთა პროფილაქტიკურ სამედიცინო გასინჯვებს აჭარის ავტონომიურ რესპუბლიკაში.
- 1 სექტემბერი – ბათუმი, თამარის დასახლება, შპს „თამარის დასახლების საოჯახო მედიცინის ცენტრი“, დილის 10 საათიდან. მისამართი: ტბეთის ქ. N4.
- 2 სექტემბერი – ქობულეთი, პირველადი ჯანდაცვისა და რეაბილიტაციის ცენტრი „მედჰაუსი“. დილის 10 საათიდან. მისამართი: 26 მაისის ქ. N2.
სამედიცინო ჯგუფი დაკომპლექტებულია სხვადასხვა პროფილის ექიმებით: ოჯახის ექიმი, პედიატრი, თერაპევტი, კარდიოლოგი, ნევროლოგი, ბავშვთა ნევროლოგი, გინეკოლოგი, ქირურგი, ოფთალმოლოგი, ენდოკრინოლოგი, უროლოგი, დერმატოლოგი, ანგიოლოგი, ონკოლოგი, ექიმი-რადიოლოგი.
ჩატარდება ინსტრუმენტული გამოკვლევები: ულტრასონოსკოპია (მუცლის ღრუს ორგანოების, ფარისებრი ჯირკვლის, სარძევე ჯირკვლის), ელექტროკარდიოგრაფია. ასევე, გლუკოზის განსაზღვრა სისხლში, C ჰეპატიტისა და შიდსის სკრინინგი.
ექიმების დანიშნულების შესაბამისად, აფხაზეთიდან დევნილ პაციენტებზე გაიცემა მედიკამენტები.