ამ კვირაში ბათუმში მზიანი ამინდი იქნება

აჭარის რეგიონალური ჰიდრომეტეოროლოგიური ობსერვატორიის ინფორმაციით, 14, 15 და 16 აგვისტოს აჭარის სანაპირო ზოლში და მაღალმთიანეთში მოსალოდნელია ცვალებადი მოღრუბლულობა, უმეტესად უნალექო და მზიანი ამინდი. დაუბერავს ცვალებადი ქარი 10-15 მ/წმ.

ჰაერის ტემპერატურა: სანაპირო რაიონებში ღამით 18-23, დღისით 25-30 გრადუსი, მთიან რაიონებში ღამით 10-15, დღისით 20-25 გრადუსი სითბო.

ზღვის წყლის ტემპერატურა +26 გრადუსი იქნება.

ჰიდრომეტეოროლოგიური ობსერვატორიის პროგნოზით, მომდევნო 10 დღეს აჭარაში მშრალი და მზიანი ამინდი შენარჩუნდება.

აჭარის პლაჟებზე დღეს, 14 აგვისტოს, თეთრი ალმებია აღმართული სამაშველოს კოშკურებზე, რაც ნიშნავს, რომ ზღვაში ბანაობა დაშვებულია.