Batumelebi | „ქართული ხმები“ და „თბილისის ბიგ ბენდი“ – უფასო კონცერტი ბათუმის საზაფხულო თეატრში „ქართული ხმები“ და „თბილისის ბიგ ბენდი“ – უფასო კონცერტი ბათუმის საზაფხულო თეატრში – Batumelebi
RU | GE  

„ქართული ხმები“ და „თბილისის ბიგ ბენდი“ – უფასო კონცერტი ბათუმის საზაფხულო თეატრში

ბათუმში ქართული ხმებისა და თბილისის ბიგ ბენდის საიუბილეო კონცერტი გაიმართება

დღეს, 17 ივლისს, ბათუმში „ქართული ხმებისა“ და „თბილისის ბიგ ბენდის“ საიუბილეო კონცერტი გაიმართება.

კონცერტზე ბათუმის ბულვარში მდებარე საზაფხულო თეატრში, 20:00 საათზე დაიწყება და მასზე დასწრება უფასოა. 

„ქართული ხმები“ და „ბიგ ბენდი“ ქართულ, ხალხურ და ქალაქურ სიმღერებს, ასევე ქართველი და უცხოელი კომპოზიტორების ჰიტებს შეასრულებენ.

„თბილისის ბიგ ბენდის“ შემადგენლობაში არიან მომღერლები: მაია ბარათაშვილი, მარიკო ებრალიძე, გიორგი სუხიტაშვილი, თემო საჯაია, ნინი გველესიანი და ზაურ შავგულიძე.

ანსამბლები ბათუმს „ქართული ხმების“ 30 წლის და თბილისის ბიგ ბენდის 20 წლის იუბილისადმი მიძღვნილი ტურნეს ფარგლებში ესტუმრებიან.

ბათუმამდე კონცერტები ბორჯომში, თელავში, ლაგოდეხში, ახალციხეში, ზუგდიდში, ხობში და ფოთში გაიმართა. ბათუმის შემდეგ კი ლეგენდარული ქართული ხმებისა და თბილისის ბიგ ბენდის ტურნე ქუთაისში, ჩოხატაურსა და ჭიათურაში გაგრძელდება.

პროექტი Check-in Georgia-ს პროექტის ფარგლებში იმართება.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.