ბათუმში, პუშკინისა და მელიქიშვილის ქუჩების კვეთაში, მსუბუქი ავტომობილი ქალს დაეჯახა. დაზარალებული სასწრაფო დახმარების სამსახურმა „მედ ცენტრში“ გადაიყვანა. „ბათუმელების“ ინფორმაციით, იგი მძიმედ არ დაშავებულა.
შს სამინისტროს ინფორმაციით, გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.