Batumelebi | გონიოს მუზეუმ-ნაკრძალში თანამედროვე მუზეუმის მოწყობა იგეგმება გონიოს მუზეუმ-ნაკრძალში თანამედროვე მუზეუმის მოწყობა იგეგმება – Batumelebi
RU | GE  

გონიოს მუზეუმ-ნაკრძალში თანამედროვე მუზეუმის მოწყობა იგეგმება

 

აჭარის მთავრობისა და განათლების, კულტურისა და სპორტის სამინისტროს მხარდაჭერით, 2015 წელს გონიოს მუზეუმ-ნაკრძალის განვითარების პროგრამა  500 000 ლარით დაფინანსდა. პროგრამის განხორციელებას კულტურული მემკვიდრეობის დაცვის სააგენტო უზრუნველყოფს.

 


სააგენტოს ინფორმაციით, გონიოს მუზეუმ-ნაკრძალის განვითარების პროგრამა სამ წელზეა გათვლილი და გულისხმობს მუზეუმ-ნაკრძალში თანამედროვე ტიპის მუზეუმის მოწყობას. კეთილმოეწყობა ეზო და ღია სამუზეუმო სივრცე, მოეწყობა რომაული კოშკი და იმიტირებული არქეოლოგიური ველი, შეიცვლება ციხის კარიბჭე, მოეწყობა ატრაქციები და 3D ლაზერშოუ, დაიდგმება კატაპულტები და 3D მაკეტები.


სააგენტოს ინფორმაციით, მიმდინარე წელს დაგეგმილია ასევე ძმები ნობელების სახელობის ბათუმის ტექნოლოგიურ მუზეუმში ღია კაფესა და ეზოს კეთილმოწყობა.

 

გონიოს მუზეუმ-ნაკრძალი აჭარაში ჩამოსული ტურისტებისათვის ერთ-ერთი ყველაზე მიმზიდველი ადგილია. 2015 წლის ივლისის მონაცემებით, გონიოს ციხე აჭარაში ყველაზე მოთხოვნადი ტურისტული ადგილების ხუთეულში მეოთხე ადგილზეა საბაგირო გზის, ბოტანიკური ბაღისა და დელფინარიუმის შემდეგ. 

 

გონიოს მუზეუმის ხელმძღვანელი შოთა მამულაძე, აჭარის განათლების მინისტრი გია თავამაიშვილი და სააგენტოს ხელმძღვანელი მირანდა ჩარკვიანი
გონიოს მუზეუმის ხელმძღვანელი შოთა მამულაძე, აჭარის განათლების მინისტრი გია თავამაიშვილი და სააგენტოს ხელმძღვანელი მირანდა ჩარკვიანი

ნეტგაზეთის მასალების სხვა გამოცემებში გადაბეჭდვის წესი
"ბათუმელები"