Batumelebi | აგროსერვისცენტრის ტრენინგი სათევზე მეურნეობებისა და იხტიოლოგებისათვის აგროსერვისცენტრის ტრენინგი სათევზე მეურნეობებისა და იხტიოლოგებისათვის – Batumelebi
RU | GE  

აგროსერვისცენტრის ტრენინგი სათევზე მეურნეობებისა და იხტიოლოგებისათვის

 

აგროსერვისცენტრში კოოპერატივებისა და არასამთავრობოების წარმომადგენლებს, ასევე ადგილობრივ იხტიოლოგებს ისრაელიდან ჩამოსულმა იხტიოლოგებმა 7 სექტემბერს ტრენინგი ჩაუტარეს.  

 

თევზის მეურნეობის მოშენება, წყლის ფილტრაცია, თევზებში გავრცელებული დაავადებები და მათი მკურნალობა – ეს იმ თემების ჩამონათვალია, რომლებზეც სტუმრებმა 2-საათიანი ტრენინგის განმავლობაში ისაუბრეს. 

 

აჭარის რეგიონში ნათლად იგრძნობა კვალიფიციური იხტიოლოგიების ნაკლებობა, რისი შედეგიც საკალმახე მეურნეობებში თევზთა დაავადებების გავრცელება და თევზის დაღუპვა შეიძლება გახდეს. აგროსერვისცენტრის მიერ ორგანიზებული ტრენინგი მიზნად ისახავს ფერმერებსა და ადგილობრივ იხტიოლოგებში ცოდნის ამაღლებას სათევზე მეურნეობებში არსებულ პრობლემებთან დაკავშირებით. ვიზიტის ფარგლებში ისრაელიდან ჩამოსულმა სპეციალისტებმა ქობულეთსა და ხელვაჩაურში საკალმახე მეურნეობები მოინახულეს და იქ არსებულ მდგომარეობას გაეცნენ. ტრენერები რეგიონს აგროსერვისცენტრისა და ებრაული კომპანია „ისრაგრინის“ ორგანიზებით ეწვივნენ.

 

 

„მეთევზეობა ჩვენი რეგიონისთვის პრიორიტეტული მიმართულებაა. მსგავსი ტრენინგებით კი ჩვენ გვინდა ფერმერებმა ისწავლონ, როგორ აირიდონ თავიდან თევზებში გავრცელებული დაავადებები, აითვისონ თანამედროვე ტექნოლოგიები, გაზარდონ თევზის წარმოება, შედეგად კი გაიზრდება მოგება, რომელსაც ისინი ამ ბიზნესიდან იღებენ,“ – განცხადა გოჩა ბერიძემ, აგროსერვისცენტრის დირექტორმა.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"