Batumelebi | დელფინების გათავისუფლების მოთხოვნით დელფინარიუმში მოქალაქეები შეიჭრნენ დელფინების გათავისუფლების მოთხოვნით დელფინარიუმში მოქალაქეები შეიჭრნენ – Batumelebi
RU | GE  

დელფინების გათავისუფლების მოთხოვნით დელფინარიუმში მოქალაქეები შეიჭრნენ

 

 ბათუმის დელფინარიუმში დღეს რამდენიმე მამაკაცი შეიჭრა, რომლებმაც  თვითნებურად გაარღვია კორდონი, (უცხო პირთათვის აკრძალული ტერიტორია) ისინი შეიჭრნენ დელფინთან ინტერაქტივისთვის განკუთვნილ ზონაში შენობის უკანა მხრიდან და ხელი შეუშალეს სამუშაო პროცესს. ინფორმაციას ამის შესახებ ბათუმის დელფინარიუმი ავრცელებს. 


მათივე ინფორმაციით, ტერიტორიაზე შეჭრილმა მოქალაქეებმა ტოკსიკური აირი გამოიყენეს. ინციდენტის დროს
დაშავებულია დაცვის რამდენიმე თანამშრომელი, სტრესის ქვეშ იმყოფება რამდენიმე მოქალაქე, როგორც საქართველოს, ასევე უცხოელი ვიზიტორები, მათ შორის რამდენიმე მცირეწლოვანი ბავშვია. 

 

როგორც “ბათუმელებს” შინაგან საქმეთა სამინისტროში განუმარტეს, გამოძიება მიმდინარეობს სისხლის სამართლის კოდექსის 125-ე მუხლით, რაც ცემას ნიშნავს, ამ ეტაპზე დაკავებული არავინ არ არის.

გთავაზობთ ვიდეოს რომელიც ბათუმის დელფინარიუმმა გაავრცელა. 

 

ნეტგაზეთის მასალების სხვა გამოცემებში გადაბეჭდვის წესი
ბათუმელები