“ნახევარი საათის წინ მოვედი სახლში. დემეტრე თავდადებულის ქუჩა ვერ გადმოვკვეთე ბაგრატიონიდან, იმიტომ რომ მოსახლეობას საკუთარი ძალებით ჰქონდა გზა გადაკეტილი. მანქანების მოძრაობის გამო სახლებში წყალი არ შესულიყო. ბაგრატიონზე სახლების ეზოები დაიტბორა,” – უთხრა “ბათუმელებს” ლუკა ასათიანის ქუჩის მცხოვრებმა სალომე გეგეშიძემ.
სამაშველო სამსახურის პრესცენტრის ცნობით, „ბათუმში წვიმის გამო საკმაოდ მძიმე მდგომარეობაა“. დატბორილია ქუჩები და ავტომანქანები. პრესცენტრის ცნობით, სამაშველოს 20 ეკიპაჟი უკვე გამოვიდა თბილისიდან, ასევე ეკიპაჟები ბათუმისკენ მოდის სამეგრელოდან და ქუთაისიდან.
