ბათუმის მერიის შენობის შესასვლელში დამონტაჟებული ბარიერები მოხსნეს. ქალაქის მერიის ინფორმაციით, ეს გადაწყვეტილება მერიის მუშაობის ღიაობისა და საზოგადოებისთვის უფრო მეტად ხელმისაწვდომობის მიზნით მიიღეს.
მერიის ცნობით, უახლოეს მომავალში მერიაში იგეგმება იუსტიციის სახლის მსგავსი მომსახურების მოდელის დანერგვა და მოქალაქეთა მიღების სივრცეების შექმნა. იქამდე კი, მერიის შენობაში გადასაადგილებლად საჭიროა საშვის აღება, რომელსაც მოქალაქეთა მომსახურების ცენტრში გასცემენ.