ნეტგაზეთი • RU

შედრეკილი და ზოტიყელი – მემთეურების სოფელი [ფოტო]

 

ბახმაროს ზემოთ, დაახლოებით ორი კილომეტრის დაშორებით მემთეურების დასახლებაა, რომელსაც შედრეკილს უწოდებენ, კიდევ უფრო მაღლა, ზღვის დონიდან დაახლოებით 2 300 მეტრზე კი მემთეურების კიდევ ერთი სოფელი, ზოტიყელი მდებარეობს. ამ სოფლებში ოზურგეთიდან, შუახევიდან და ხულოდან ჩამოსული ოჯახები 2-3 თვის მანძილზე რჩებიან, საქონელს აძოვებენ და კარტოფილი მოჰყავთ. ზოგიერთ ოჯახს რძის ნაწარმი და ხელნაკეთი ნივთები დილაობით ბახმაროში მიაქვს გასაყიდად. ბახმარომდე გზას მემთეურები ძირითადად ცხენით ან ფეხით გადიან. ბახმაროში დამსვენებლებს შორის ყოველთვის პოპულარული იყო მემთეურების მაწონი, კაი მაღი, მთაში დაკრეფილი მოცვი და მარწყვი, ნაძვის კევი, ასევე ხელნაკეთი სათამაშოები: აკვანი, ე.წ. „საგორიალა” და ა.შ. 

მემთეურების სოფლებში ოჯახები ბავშვებთან ერთად ჩადიან. სოფლებში არის მაღაზია, თუმცა აქ პურს თითქმის ყველა სახლში აცხობს. ზოტიყელსა და შედრეკილში სამარშუტო ტაქსიც დადის.  

ნეტგაზეთის მასალების სხვა გამოცემებში გადაბეჭდვის წესი
ნანა კვაჭაძე