ნეტგაზეთი • RU

დისკომფორტი ბათუმის რესპუბლიკურ საავადმყოფოში უშუქობის გამო

 

ბათუმის რესპუბლიკური საავადმყოფოს პაციენტები „ბათუმელების“ რედაქციას დაუკავშირდნენ და საავადმყოფოში უშუქობის გამო შექმნილი პრობლემებით დაინტერესება სთხოვეს. მათი თქმით გუშინ და გუშინწინ ღამით საავადმყოფოში შუქი რამდენჯერმე გაითიშა. 

 

პაციენტის თავმდგურმა ზეინაბ ნაკაშიძემ „ბათუმელებს“ უთხრა, რომ შუქის გამორთვის მიზეზების გარკვევას თავად პაციენტები ცდილობდნენ და ისინი რამდენჯერმე დაუკავშირდნენ „ენერგო პრო ჯორჯიას“, თუმცა უშედეგოდ: „შუქი ჩაირთო რამდენიმე წუთით და ისევ გამორთო“.

 

საავადყოფოში მისულმა რამდენიმე პაციენტმა კი  უშუქობის გამო კარდიოლოგიური გამოკველევა ვერ ჩაიტარა.  ამის შესახებ მათ საჩივარი ჯანცდაცვის სამინისტროს ცხელი ხაზის მეშვებით დააფიქსირეს.

 

საავადმყოფოს დირექტორის მოადგილის გია კიკაბიძის განმარტებით, საავადმყოფოში შუქი მართლაც რამდენჯერმე გამოირთო:

 

 „ დიახ შუქის გამორთვა ჩვენ არ გვიკვირს, სამწუხაროდ ასეთ ქვეყანაში ვცხოვრობთ. ამიტომ გვაქვს გენერატორი. როცა შუქი ქრება სასიცოცხლოდ მნიშვნელოვანი განყოფილებები და აპარატურა გენერატორზე გადაგვყავს. სპეციალისტები ღამითაც მორიგეობენ, რომ შუქის გამორთვიდან მცირე დროში გადავიდეთ გენერატორზე. ის მხოლოდ რენტგენის და ტომოგრაფიის აპარატის მუშაობას ვერ უზრუნველყოფს, სიმძლავრე არ ყოფნის. სხვა მხვრივ პაციენტს პრობლემას არ შევუქმნით უშუქობის გამო.“ – განაცხადა გია კიკაბიძემ „ბათუმელებთან“ სატელეფონო საუბარში.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"