6 ივნისს, საღამოს 11 საათისთვის, ბათუმში, შს სამინისტროს აჭარის მთავარ სამმართველოსთან 100-მდე ადამიანი იყო შეკრებილი. ყოროლისწყლის მცხოვრებლები პოლიციის მიერ ადგილობრივი ახალგაზრდის დაკავებას აპროტესტებდნენ. „ბათუმელების“ ინფორმაციით, პირის დაკავების დროს წინააღმდეგობის გაწევასაც ჰქონდა ადგილი.
ყოროლისთავის მცხოვრების დაკავებას შესახებ ინფორმაციას შს სამინისტროშიც ადასტურებენ. პრესცენტრის ინფორმაციით, პირი ბათუმში დააკავეს – ამოღებულია ნარკოტიკული ნივთიერება. დაკავებულ პირს დაუდასტურდა ნარკოტიკის მიღებაც.
ყოროლისთავის მცხოვრები რამდენიმე პირის თქმით, პოლიციელები დაკავების დროს სამოქალაქო ფორმაში იყვნენ ჩაცმულები, რამაც მოსახლეობის პროტესტი გამოიწვია.
შს სამინისტროს პრესცენტრის ინფორმაციით, პირი ოპერატიული ინფორმაციის საფუძველზე დააკავეს ჩვეულებრივმა პოლიციელებმა, რომლებსაც ეცვათ ფორმები. დაკავებულს ორი მუხლით აქვს ბრალი წარდგენილი – პოლიციისთვის წინააღმდეგობის გაწევა და ნარკოტიკული ნივთიერების უკანონოდ შენახვა-მოხმარება.
