ამერიკული გამოცემის, The Atlantic-ის ვებგვერდებზე, ტრადიციის მიხედვით, ბოლო ათი წლის განმავლობაში 25 დეკემბრამდე ყოველდღე ქვეყნდება 1990 წელს ორბიტაზე გაშვებული კოსმოსური ტელესკოპის, ჰაბლის მიერ გადაღებული თითო ფოტო.
ნასას სპეციალური, ჰაბლის მისიის გვერდის მეშვეობით შეგიძლიათ ნახოთ გამოსახულება, რომელსაც მოცემულ მომენტში ხედავს ტელესკოპი და დაათვალიეროთ კადრები.
როგორი იყო ჩვენი გალაქტიკა და დედამიწის მიღმა სამყარო მთელი წლის მანძილზე?
გამჭვირვალე, ვარსკვლავებით მოჭედილი ცა, სიურეალისტური, ვარსკვლავური მტვრისგან შექმნილი ნისლის ბურთები – 2017 წელს ჰაბლის მიერ 25 დეკემბრამდე გადაღებული საუკეთესო ფოტოები კიდევ ერთხელ შეგვახსენებს, რა უცნაურ და მშვენიერ სამყაროში ვცხოვრობთ. ფოტოები ტელესკოპ NASA / ESA Hubble -ითაა გადაღებული.
1.NGC 7635-ის სახელით ცნობილი ნებულა. კასიოპეას თანავარსკვლავედიდან 8000 სინათლის წელიწადითაა დაშორებული, ბურთი ვარსკვლავური მტვრისგან შედგება. ფოტო ამავე ტელესკოპის კოსმოსში გაშვებიდან 26-ე წლის აღსანიშნადაა გადაღებული.
2. ახალწარმოქმნილი ვარსკვლავები.
3. გიგანტური გალაქტიკა NGC 7049. დედამიწიდან 100 მილიონი სინათლის წელიწადითაა დაშორებული.
4.გალაქტიკების გროვა. თითოეული ობიექტი ცალკე გალაქტიკაა, რომელიც მილიარდობით ვარსკვლავისგან შედგება.
5. დორადოს ჯგუფის სპირალური განლაგება. დორადოს თანავარსკვლავედი დედამიწისგან 40 მილიონი სინათლის წელიწადითაა დაშორებული.
6. ასობით ცისფერი ვარსკვლავის სადღესასწაულო პორტრეტი. R136 – ჩვენი გალაქტიკის ახალი ვარსკვლავების წარმომქმნელი ყველაზე დიდი რაიონი. ამ ახალდაბადებული ვარსკვლავებისგან ბევრს მზეზე 100-ჯერ მეტი მასა აქვს.
7.ორიონის თანავარსკვლავედის მტვერსა და გაზში გახვეული ცხენის თავის ნისლეული, რომელიც დედამიწისგან 1300 სინათლის წელიწადით არის დაშორებული.
8.გალაქტიკა მბრწყინავი გულით. სპირალური გალაქტიკა NGC 1433 ჩვენგან დაახლოებით 32 მილიონი სინათლის წელიწადითაა დაშორებული. ეს სეიფერტის სახელით ცნობილ, აქტიური გალაქტიკის ტიპს მიეკუთვნება. მათ ძალიან ნათელი, კაშკშა გული აქვთ. კაშკაშაგულიანი გალაქტიკები ასტრონომების დიდ ინტერესს იწვევს, რადგან მათი ნაწილის შუაგულში შავი ხვრელია მოთავსებული.
9.მისტიური მთები
10.გიგანტური გალაქტიკური ჰიბრიდი. გალაქტიკა UGC 12591, დედამიწისგან 400 მილიონი სინათლის წელიწადით არის დაშორებული. ერთ-ერთი ყველაზე მასიური გალაქტიკაა და ბრუნავს ძალიან სწრაფად: 1,8 მილიონი კილომეტრით საათში.
11. 2006 წელს ჰაბლი ჩვენი გალაქტიკის შუაგულში, 26 000 სინათლის წელიწადით შორს გაემგზავრა. სწორედ ამ შუაგულიდანაა გადაღებული ეს ვარსკვლავთგროვა. კადრზე ტელესკოპის მიერ ერთი კვირის განმავლობაში დაფიქსირებული დაახლოებით 200 000 მილიონი ვარსკვლავია ასახული.
12.ნისლეული PN M2-9. დაახლოებით 4000 სინათლის წელიწადითაა დაშორებული დედამიწას. ნათელი მაგალითია ბიპოლარული პლანეტარული ნისლეულის, რომელშიც მთავარია არა ერთი ვარსკვლავი, არამედ ორი სისტემა ერთდროულად. გამოკვლევები ადასტურებს, რომ ნისლეული დროთა განმავლობაში იზრდება.
13. ბეჭდის ნისლეული. ოდესღაც წითელი, გიგანტური ცენტრალური ვარსკვლავი ძალიან დასუსტდა დროთა განმავლობაში და თეთრ ჯუჯა ვარსკვლავად იქცა.
14. NGC 5256 გალაქტიკის წყვილი, რომლისგანაც 350 მილიონი სინათლის წელიწადი გვაშორებს.
15. გალაქტიკები ვარსკვლავებს შორის. NGC 6791-ის ახლოხედი. კადრის მარცხენა, ზედა კუთხეში ვარსკვლავებს შორის ორი გალაქტიკაც მოჩანს მკაფიოდ.
