Batumelebi | ავიარეისი კიევი-ბათუმი კვირაში სამჯერ შესრულდება ავიარეისი კიევი-ბათუმი კვირაში სამჯერ შესრულდება – Batumelebi
RU | GE  

ავიარეისი კიევი-ბათუმი კვირაში სამჯერ შესრულდება

 

ტურისტული კომპანია Georgian International-ი უკრანულ ავიაკომპანია „დარტთან“ თანამშრომლობით ბათუმის მიმართულებით 31 მაისიდან ფრენებს იწყებს. რეისები კიევის ჯულიანის სახელობის აეროპორტიდან შესრულდება.

 

31მაისს, 13:00 საათზე, ბათუმის აეროპორტში პირველი ჩარტერული ფრენა უკრაინიდან განხორციელდება. ავიაფრენას ტურისტებთან ერთად 40-მდე უკრაინელი ტუროპერატორი და 12 ჟურნალისტი ჩამოყვება.


ივნისში რეისები კვირაში 3-ჯერ: სამშაბათობით, პარასკეობით და კვირაობით განხორციელდება, ხოლო 15 ივლისიდან რეისები დამატებით ოთხშაბათობითაც შესრულდება. 

კიევიდან ფრენა (უკრაინის დროით) 09:00 საათზე განხორციელდება და ტურისტი ბათუმის საერთაშორისო აეროპორტში (საქართველოს დროით) 12:15 საათზე შეძლებს ჩამოსვლას. ბათუმიდან კიევის მიმართულებით ფრენა საქართველოს დროით 14 საათზე შესრულდება.

ბილეთის მინიმალური ფასი ერთი მიმართულებით 99 ევროდან, ხოლო ორი გზა 199 ევროდან დაიწყება. აღნიშნული ტარიფში ტაქსის მომსახურებასაც შედის.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"