ნეტგაზეთი • RU

ხვალ ბათუმში სამსახურში ველოსიპედით მისვლის საერთაშორისო დღეს აღნიშნავენ

 

„სამსახურში ველოსიპედით მისვლის საერთაშორისო დღეს“ ბათუმშიც აღნიშნავენ, ორგანიზაცია „არტ ვეის“ და „ბათუმ ველოს“ ინიციატივით. ღონისძიების პრესრელიზში აღნიშნულია, რომ ხვალ, 21 მაისს, აქციაში ჩაერთვებიან როგორც ადგილობრივი ხელისუფლების, ასევე მესამე სექტორისა და ბიზნესსექტორის წარმომადგენლები. ველოსიპედისტების აქცია  11  საათზე, ერას მოედანზე დაიწყება. 

 

დათო ტრაპაიძის ფოტო
დათო ტრაპაიძის ფოტო

ღონისძიების მიზანია საზოგადოებაში ჯანსაღი ტრანსპორტის პოპულარიზაცია და იმ მოქალაქეების წახალისება, რომლებიც მუდმივად სარგებლობენ ველოსიპედით. 

 

ამ დღეებში “ბათუმველო“ “EXPO BATUMI”-ს ფარგლებში დარეგისტრირებულ მსურველებს ფასდაკლებასაც სთავაზობს. ერთწლიანი ბარათის სტანდარტული ფასი 20 ლარია, თუმცა „ექსპო ბათუმზე“ დარეგისტრირებული დამთვალიერებლები ბარათს 50-პროცენტიანი ფასდაკლებით, 10 ლარად შეიძენენ და ბარათის გამოყენებას მთელი წლის მანძილზე შეძლებენ. ერთი საათით „ბათუმველოს“ ველოსიპედით სარგებლობის ფასი 2 ლარია. ივნისიდან „ბათუმველოს“ ბარათის ფასი ივნისიდან ასეთი იქნება:   

 1-დღიანი პაკეტი – 4 ლარი; 10-დღიანი პაკეტი –  10 ლარი; ერთწლიანი პაკეტი – 20 ლარი 

 

„ბათუმველოს“ საკუთრებაში 370 ველოსიპედია, ბათუმში სულ 23 ველოტერმინალია.

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"