Batumelebi | მიგრანტის უკანონოდ გადაყვანის მცდელობის ბრალდებით თურქეთისა და ბანგლადეშის მოქალაქეები დააკავეს მიგრანტის უკანონოდ გადაყვანის მცდელობის ბრალდებით თურქეთისა და ბანგლადეშის მოქალაქეები დააკავეს – Batumelebi
RU | GE  

მიგრანტის უკანონოდ გადაყვანის მცდელობის ბრალდებით თურქეთისა და ბანგლადეშის მოქალაქეები დააკავეს

 

დღეს სარფის სასაზღვრო გამშვებ პუნქტში საპატრულო პოლიციის თანამშრომლებმა საზღვრის უკანონოდ კვეთის მცდელობისა და საზღვარზე მიგრანტის უკანონოდ გადაყვანის მცდელობის ბრალდებით თურქეთისა და ბანგლადეშის მოქალაქეები დააკავეს.

 

 

საქართველოს შს სამინისტროს საპატრულო პოლიციის დეპარტამენტის აჭარის მთავარი სამმართველოს თანამშრომლებმა, ჩატარებული სამძებრო-საგამოძიებო ღონისძიებების შედეგად, თურქეთის რესპუბლიკის მოქალაქე, 1959 წელს დაბადებული თურქლს თ, ბანგლადეშის მოქალაქეები – 1993 წელს დაბადებული მუსტაკ ა. და 1986 წელს დაბადებული მურად მ. დააკავეს.

 

სამართალდამცავებმა თურქლს თ-ს მფლობელობაში არსებული, „დაფის“ მარკის, მისაბმელიანი სატვირთო ავტომანქანის დეტალური დათვალიერებისას სალონში მოწყობილი სამალავი აღმოაჩინეს, რომელშიც ბანგლადეშის მოქალაქეები იმყოფებოდნენ.
 
 
გამოძიებამ დაადგინა, რომ აღნიშნული სამალავის საშუალებით თურქლს თ. საქართველო-თურქეთის სახელმწიფო საზღვარზე მუსტაკ ა-სა და მურად მ-ს უკანონოდ გადაყვანას ცდილობდა.
 
 
გამოძიება თურქლ თ-ს მიმართ საქართველოს სახელმწიფო საზღვარზე მიგრანტის უკანონოდ გადაყვანის მცდელობის ფაქტზე (საქართველოს სსკ-ის 19-344-ე პრიმა მუხლის 1-ლი ნაწილით), ხოლო მურად მ-ს და მუსტაკ ა-ს მიმართ საქართველოს სახელმწიფო საზღვრის უკანონოდ გადაკვეთის მცდელობის ფაქტზე მიმდინარეობს (საქართველოს სსკ-ის 19-344-ე მუხლის 1-ლი ნაწილით).
 
ნეტგაზეთის მასალების სხვა გამოცემებში გადაბეჭდვის წესი
" ბათუმელები