Batumelebi | ანზორ თხილაიშვილი საფინანსო კომისიის თავმჯდომარე გახდა ანზორ თხილაიშვილი საფინანსო კომისიის თავმჯდომარე გახდა – Batumelebi
RU | GE  

ანზორ თხილაიშვილი საფინანსო კომისიის თავმჯდომარე გახდა

 

უმაღლესი საბჭოს საფინანსო-საბიუჯეტო კომისიის თავმჯდომარის თანამდებობა ანზორ თხილაიშვილმა ჩაიბარა. მანამდე ამ კომისიას ახლა უკვე „ქართული ოცნების“ ფრაქციის თავმჯდომარე ალექსანდრე ჩიტიშვილი ხელმძღვანელობდა. ის თანამდებობიდან „ნაციონალური მოძრაობის“ ინიცირებით გადააყენეს.

 

ანზორ თხილაიშვილი

ანზორ თხილაიშვილი აჭარის უმაღლეს საბჭოში კოალიცია „ქართული ოცნების“ სახელით მაჟორიტარული წესით აირჩიეს. ის კოალიციაში „თავისუფალი დემოკრატების“ პარტიიდან შევიდა, პარტიის ლიდერის ირაკლი ალასანიას ოპოზიციაში წასვლის შემდეგ კი, მან პარტია დატოვა. ამ დრომდე ანზორ თხილაიშვილი უმაღლესი საბჭოს აგრარულ კომისიას ხელმძღვანელობდა. ცოტა ხნის წინ ამ კომისიის მიერ პარლამენტში ინიცირებული პროექტი მიწის რეფორმის შესახებ პარლამენტის იურიდიულმა კომისიამ პირველივე მოსმენაზე დაიწუნა.

 

აგრარული კომისიის თავმჯდომარის ვაკანტურ თანამდებობაზე უმაღლესი საბჭო მომავალ სხდომაზე იმსჯელებს. სახელისუფლებო ფრაქციის ხელმძღვანელის ალექსანდრე ჩიტიშვილის ინფორმაციით უმაღლეს საბჭოში ამ თანამდებობაზე დეპუტატ მერაბ აბაშიძის კანდიდატურას განიხილავენ.

ისევ ვაკანტურია უმაღლესი საბჭოს თავმჯდომარის მოადგილის თანამდებობა.

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე