Batumelebi | ადამიანების ჩხრეკის, დაკავებისა და ქონების დაყადაღების სტატისტიკა ბათუმში ადამიანების ჩხრეკის, დაკავებისა და ქონების დაყადაღების სტატისტიკა ბათუმში – Batumelebi
RU | GE  

ადამიანების ჩხრეკის, დაკავებისა და ქონების დაყადაღების სტატისტიკა ბათუმში

 

2015 წლის იანვარში, თებერვალსა და მარტში ბათუმის საქალაქო სასამართლოში 287 სისხლის სამართლის საქმე შევიდა განსახილველად. დასრულდა 324 საქმე, მათ შორის საპროცესო შეთანხმებით – 181 საქმე; 2 საქმეზე გამოტანილია გამამართლებელი განაჩენი, ნაწილობრივ გამამართლებელი განაჩენი – 1 საქმეზე; შეწყდა ორ საქმეზე ძიება.

 

წინასწარ გამოძიებაში ასევე 2 საქმე დაბრუნდა; საგამოძიებო ორგანოდან სასამართლოში 380 შუამდგომლობა შევიდა. მათ შორის პირის დაკავებაზე – 74; დაკმაყოფილდა -56. ქონების დაყადაღებაზე შევიდა შუამდგომლობა – 52-ჯერ, დაკმაყოფილდა – 51; ასევე შევიდა სხვა სახის შუამდგომლობა – 22, დაკმაყოფილდა – 18; ჩხრეკაზე შევიდა – 178 შუამდგომლობა და დაკმაყოფილდა – 77.

აღკვეთის ღონისძიების გამოყენების შესახებ მოსამართლეებმა განიხილეს – 330 შუამდგომლობა. მათ შორის პატიმრობაზე შევიდა 132 შუამდგომლობა, დაკმაყოფილდა – 67; გირაოს შეფარდებაზე შევიდა – 180 შუამდგომლობა, დაკმაყოფილდა – 61; გირაო პატიმრობის უზრუნველყოფით შევიდა 18 შუამდგომლობა, დაკმაყოფილდა -16; აღკვეთის ღონისძიების შეცვლის თაობაზე შევიდა 1 შუამდგომლობა და არ დაკმაყოფილდა.

რაც შეეხება ადმინისტრაციული სამართლის საქმეებს, სულ სასამართლოში შევიდა 189 საქმე, დასრულდა -168. მეწარმის საქმიანობის კონტროლთან დაკავშირებით სასამართლოში შევიდა 11 შუამდგომლობა, დაკმაყოფილდა – 10; არანებაყოფილებითი ფსიქიატრიული დახმარების მიზნით პირის სტაციონარში მოთავსების შესახებ შევიდა 2 შუამდგომლობა და ორივე დაკმაყოფილდა. 
სამოქალაქო სამართლის 725 საქმე შევიდა განსახილველად ბათუმის სასამართლოში, დასრულდა 658 საქმე.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"