Batumelebi | „ბათუმური ქრონიკები“ – ახალი გაზეთი ბათუმში „ბათუმური ქრონიკები“ – ახალი გაზეთი ბათუმში – Batumelebi
RU | GE  

„ბათუმური ქრონიკები“ – ახალი გაზეთი ბათუმში

 

დღეს, 8 მაისს, ბათუმში, დემოკრატიული ჩართულობის ცენტრში ახალი  გაზეთის „ბათუმური ქრონიკების“ პრეზენტაცია გაიმართა. 

„ბათუმური ქრონიკები“ მხოლოდ გაზეთი არ არის, ეს არის უპირველეს ყოვლისა, ბათუმის განვითარების სააგენტო პოტენციალში. ამ გაზეთს აქვს უნიკალური სტრუქტურა, რადგანაც ჩვენ შევძელით და მოვიცავით მთელი ქალაქის აგრესიულად დაპირისპირებული ჯგუფები. ჩვენ შევქმენით თავისუფალი საკომუნიკაციო სივრცე და გავუხსენით ყველა ჯგუფს ეს მოედანი,“ – განაცხადა ახალი გაზეთის პრეზენტაციაზე „ბათუმური ქრონიკების“ კონსულტანტმა დავით ჩხარტიშვილმა.

მისივე თქმით, გაზეთის პარალელურად დაგეგმილია საინფორმაციო სააგენტოს შექმნაც.

დღეისათვის „ბათუმური ქრონიკების“ ორი ნომერია მხოლოდ გამოსული. გაზეთი 14-გვერდიანია და მისი ფასი 50 თეთრია, ტირაჟი _ 1000. როგორც დავით ჩხარტიშვილმა განმარტა, საცალო ქსელში გაყიდვაში 200 ეგზემპლარი გადის, ხოლო დანარჩენი უფასოდ რიგდება უნივერსიტეტებსა და სხვადასხვა დაწესებულებაში.

გაზეთ „ბათუმური ქრონიკების“ მთავარი დამფინანსებელი ბიზნესმენი გოჩა გუგუნავაა. გუგუნავა 2014 წლის ადგილობრივი თვითმმართველობის არჩევნებზე ბათუმის მერობის კანდიდატი იყო.

გოჩა გუგუნავა გაზეთის პრეზენტაციაზე

ნეტგაზეთის მასალების სხვა გამოცემებში გადაბეჭდვის წესი
ბათუმელები