Batumelebi | ქალის ცემაში ბრალდებულის განაჩენი ქალის ცემაში ბრალდებულის განაჩენი – Batumelebi
RU | GE  

ქალის ცემაში ბრალდებულის განაჩენი

 

6 მაისს ბათუმის საქალაქო სასამართლოში 27 წლის მალხაზ დავითაძეს საქართველოს სახელით მოსამართლე დავით კიკალიშვილმა განაჩენი გამოუტანა. დავითაძე ქალის ცემაში იყო ბრალდებული. 

როგორც პროკურორმა  პაატა ცეცხლაძემ მოსამართლეს უთხრა, ბრალდებული აღიარებს და ინანიებს ჩადენილ დანაშაულს და აცნობიერებს დანაშაულის სიმძიმეს, ამიტომაც მხარეები საპროცესო შეთანხმებაზე  დათანხმდნენ, რაც იმას ნიშნავს, რომ სახელმწიფო ბიუჯეტის სასარგებლოდ ბრალდებული 500 ლარს  გადაიხდის, სანაცვლოდ კი საქმე არსებითი განხილვის გარეშე დასრულდა.  

ბრალდებულის ინტერესებს  ადვოკატი დავით ბოლქვაძე იცავდა.

საქმის მასალების მიხედვით [როგორც მოსამართლემ განმარტა],  2015 წლის მარტში ბათუმში, გოგოლიშვილის ქუჩაზე, ბრალდებულმა სცემა ქალი: „რამაც გამოიწვია ფიზიკური ტკივილი, მაგრამ არ გამოუწვევია ჯანმრთელობის დაზიანება“.  

ამ მუხლით  [ცემა] კიდევ ერთი ბრალდებულის საქმე იყო დღეს ჩანიშნული ბათუმის საქალაქო სასამართლოში, თუმცა მოსამართლე ვიოლეტა ფორჩხიძესთან ბრალდებული არ გამოცხადდა.  მიზეზი არც პროკურორისთვის იყო ცნობილი და არც ადვოკატისთვის, ამიტომაც მოსამართლემ საქმის გადადების გადაწყვეტილება მიიღო. როგორც ადვოკატმა განმარტა, ბრალდებულსაც და მის ცოლსაც ტელეფონი გამორთული ჰქონდათ.  

 

 

ბათუმის საქალაქო სასამართლოში
ბათუმის საქალაქო სასამართლოში

 

ნეტგაზეთის მასალების სხვა გამოცემებში გადაბეჭდვის წესი
ნათია როყვა