Batumelebi | დავით ბაციკაძე: პარტიებს კვოტირების ვალდებულება არ უნდა ავკიდოთ დავით ბაციკაძე: პარტიებს კვოტირების ვალდებულება არ უნდა ავკიდოთ – Batumelebi
RU | GE  

დავით ბაციკაძე: პარტიებს კვოტირების ვალდებულება არ უნდა ავკიდოთ

 

აჭარის უმაღლესი საბჭოს დეპუტატის („საქართველოს კონსერვატიული პარტია“) დავით ბაციკაძის განცხადებით, საკანონმდებლო ორგანოში სავალდებულო გენდერული კვოტირების შემოღება, რომელსაც საქართველოს პარლამენტი  უჭერს მხარს, ხელოვნური და იძულებითია.  

 

 

 

„მე ხელოვნურობისა და იძულების წინააღმდეგი ვარ. ვფიქრობ, რომ კვოტირების თემაც იძულებითია და არ იქნება სწორი, თუ პარტიებს  ვალდებულებას ავკიდებთ,  რომ უნდათ თუ არა  ქალები ჰყავდეთ პარტიაში. ეს პრობლემებს შექმნის.

 

მართალია, პოლიტიკური პარტიები წაახალისეს, როცა დაფინანსება გაეზარდათ პარტიაში ქალთა რაოდენობის ზრდისთვის, თუმცა ეს არ არის რეალური წახალისება და სამომავლოდ ამაზეც უნდა ვიფიქროთ.  რომ გავჩერდეთ და ქალები არ გავააქტიუროთ, არც ეს იქნება სწორი. როგორ?  ეს უნდა მოვიფიქროთ.

 

კვოტირებაზეც უნდა ვიფიქროთ, ოღონდ მოგვიანებით, რომ პარტიებსაც ჰქონდეთ მოფიქრებისთვის დრო“-აცხადებს დავით ბაციკაძე.    

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე, რუბრიკა: დეპუტატები სავალდებულო გენდერული კვოტირების შემოღების შესახებ