საკრებულოს უმრავლესობამ მხარი დაუჭირა ყოფილი მანქანათმშენებელი ქარხნის ტერიტორიის აჭარის მთავრობისთვის უსასყიდლოდ გადაცემას. დადგენილებაში ჩაიწერა პირობად, რომ გაყიდვს შემდეგ თანხა ტრანსფერის სახით ბათუმის ბიუჯეტს დაუბრუნდება.
ასევე ცნობილია ის კომპანიაც, რომელიც ამ ტერიტორიით დაინტერესდა, დეპუტატების ინფორმაციით, ინვესტორი 30 მილიონი დოლარის ინვესტიციის განხორციელებას გეგმავს.
ქონების ამ ფორმით გასხვისებას ეწინააღმდეგებიან „თავისუფალი დემოკრატები“, მათი განმარტებით ქონება ასეთ დროს აუქციონით უნდა გაიყიდოს, რაც კონკურენციას მეტად შეუწყობს ხელს.