ნეტგაზეთი • RU

გიორგი ერმაკოვი დეპუტატებზე თავდასხმაში მონაწილე პირების შესახებ

 

ბათუმის მერმა გიორგი ერმაკოვმა დღეს, 17 მარტს კომენტარი გააკეთა შპს „ბათუმის ავტოტრანსპორტის“ იმ თანამშრომლების შესახებ, რომლებიც აჭარის უმაღლესი საბჭოს დეპუტატებზე თავდასხმაში მონაწილეობდნენ. გიორგი ერმაკოვის განცხადებით, იურიდიული პირების თანამშრომლების სამსახურიდან გათავისუფლება, მერის კომპეტენცია არ არის. 

„ვეთანხმები იმას, რომ ყველა ადამიანმა თავის ქმედებაზე უნდა აგოს პასუხი. მუშაობს ის თუ არ მუშაობს, მაგას მნიშვნელობა არ აქვს. ჩემი როგორც მოქალაქის პოზიციაა, რომ ყოველგვარი სახის ძალადობა, იქნება ფიზიკური თუ  ფსიქოლოგიური, დაუშვებელია.

თუკი რომელიმე მოქალაქე, დაწყებული მერიის თანამშრომლიდან, რიგითი მოქალაქით დამთავრებული, არღვევს კანონს, ამისათვის არსებობს შესაბამისი ნორმა. თუკი გადაცდომა ჩადენილია, მასზე გავრცელდება კანონი.

რაც შეეხება „ბათუმის ავტოტრანსპორტის“ თანამშრომლების გათავისუფლებას,   ბათუმის მერი თავისი დელეგირების ფარგლებში ნიშნავს და სამსახურიდან ათავისუფლებს 12- ი თანამდებობის პირს მერიის ადმინისტრაციაში და თანამდებობიდან ათავისუფლებს შპს-ებისა და აიპ-ების ხელმძღვანელებს. დანარჩენი კადრების დანიშვნა-გათავისუფლებაში ქალაქის მერი არ ერევა“- აცხადებს, გიორგი ერმაკოვი.

გიორგი ერმაკოვი

მასალების სხვა გამოცემებში გადაბეჭდვის წესი
"ბათუმელები"
საქართველოში აპირებდნენ კანონის მიღებას „აგენტების“ შესახებ.
მსგავსმა კანონმა პუტინის რუსეთში გააქრო კრიტიკული მედია.
ამ კანონის მიზანი იყო საქართველოში მოქმედი იმ მედია ორგანიზაციების “გაშავება”, რომლებიც აკრიტიკებენ ხელისუფლებას.