ბათუმ-სხალთის ეპარქიას კიდევ ერთი სალოცავი, წმინდა ნიკოლოზის სახელობის ტაძარი შეემატება, რომელიც გოროდოკის დასახლებაში შენდება. კომუნისტების პერიოდში ეს შენობა სამხედრო შტაბს ექვემდებარებოდა. დიდი ხნის განმავლობაში, დღის წესრიგში იდგა შენობის ეპარქიისადმი გადაცემის საკითხი. საბოლოოდ, გასულ წელს, აჭარის უზენაესი საბჭოს განკარგულებით სალოცავი ბათუმ-სხალთის ეპარქიას გადაეცა.
ტაძრის მშენებლობას დახმარებას უწევს ქალაქის მერია. ამჟამად, მიმდინარეობს ტაძრის სარეკონსტრუქციო და ეკლესიის ეზოში განთავსებული უკანონო შენობების დანგრევითი სამუშაოები.
ეკლესია თავდაპირველი სახის, ბაზილიკური ტიპისა იქნება.
