სამშენებლო სამუშაოებს ტენდერში გამარჯვებული კომპანია შპს „MTM” აწარმოებს.
ახალი კულტურის სახლი თანამედროვე სტანდარტების შესაბამისი ორსართულიანი შენობა იქნება, სადაც განთავსდება 400 მაყურებელზე გათვლილი დარბაზი, სცენა, ფოიე, საკონფერენციო დარბაზი, სარეპეტიციო და სხვადასხვა სტუდიებისთვის სამუშაო ოთახები.
შენობის არქიტექტურულ დიზაინზე ადგილობრივმა არქიტექტორებმა იზრუნეს, თუმცა დაპროექტებზე ესპანელმა დიზაინერებმაც იმუშავეს. პროექტის მიხედვით სამშენებლო სამუშაოები წლის ბოლოსთვის დასრულდება.